என்னவளே இனிக்கிறதே

அவளுடைய தலைபூவை
அதில் போட்டு வைத்திருந்தேன்
அதை திருடி போகாவந்தாய்
அப்படியா இனிப்பிருக்கு ? 

காத்திருக்கேன் காதலியே

வங்கியில் வாழ்நாள் காதலி
வருகிற நாளெல்லாம் நடப்பு கணக்காய்

சிறுக சிறுக சேமிப்பாய் கனவுகள் கூட
சிரிப்பை மட்டுமே கடனாய் கேட்பேன்

திருப்பி செலுத்துவேன் முத்தமாய் காதலி
தினம் பார்க்கும் வாய்ப்(பு)பூக்கு செலுத்தினேன் காசோலை

வைப்பு தொகையாய் வட்டி விகிதமாய்
வளர்வதும் தேய்வதும் வருத்தத்தில் உதடுகள்

பூட்டிய நகையாய் போனது இதயம்
பொருத்தமான சாவியும் திருடியே போனாள்

இணைத்த படிவத்தில் குண்டூசி சொருகி
இருக்கிறேன் இருகண்களில் அடையாள வில்லையாக

கூப்பிடுவாளோ குரல் கொடுப்பாளோ கொடுமையில்லாமல் மின்சார ஒலி கெடுப்பாளா? 

போய்விட்ட காதலர் தினம்

பனிரெண்டு மணி நேரம் அவளுக்காக காத்திருந்தேன்
பனிரெண்டு மணி நேரம் அவனுக்காக காத்திருந்தேன்

ஒரு நாள் முழுவதும் உங்களுக்காக காத்திருந்தேன்
ஓ காதலனே
ஓ காதலியே நீங்கள் ஏன் இன்னும் வரவில்லை
ஒரு வருடம் கழித்து உங்களுக்காக வந்திடுவேன்

காதலர்களாய் காலம் கடந்து காத்திருக்கும் அந்நாளில்
கண்டிப்பாக நீங்கள் சேர்வீர்கள் என்று போய்விட்டேன், வந்திடுங்கள்

என்னவளோடு எனக்கும் ஏமாற்றம்
எத்தனை நாள் நீடிக்கும் இந்த மாற்றம்..........?
என் காதோடு இந்நாள் கேட்டு கொண்டிருக்கும் கேள்வி .....

காதலர் தினமும் கவிதையும்

நான் எழுதிய
எத்தனையோ கவிதை
எழுந்து வந்தது ஒன்றாய்
உயிராய்
இன்றைய தினமாக அவளுடன் 

காதலர்களாய் காதலர்தினத்தில்

ஏமாற்றம் தருவதற்கு
எத்தனையோ நாள் விடிந்திருக்க
இடம் மாற்றும் இதயத்திற்காக
இந்த நாள் வீற்றிருக்க

அவ(ன்)ள் உதடு ஆசனத்தில்
அமர்வதற்கு ஆசை ஆட்சி
அத்தனைக்கும் காதல் ஒன்றே
அருமையான இந்நாள் சாட்சி

பண்டைகாதல் அதன் பெருமை
பழகி பார்க்க புது அருமை
வந்த இன்று இரு இளமை
வாழ்க்கைக்காக ஓர் இனிமை

சேர்க்க ஒரு சிறப்பாச்சு
செயற்கையில்லா இயற்க்கையாச்சு
என்றும் அழியா காதல் இன்று
எங்களில் தோன்றும் வாழ்வாச்சு 

இதுவரையின் என் காதல்

அன்றைய பொழுது
ஆங்காங்கே நிறுத்தத்தில்

பேருந்து இறக்கிவிட
பெண்ணொருத்தி காணப்பட்டாள்

கால் முதல் தலைவரை
கண் முதல் என் வரை

உள்ளத்தில் மெதுவாய்
உணர்ச்சிகளால் நடந்து

தலைகுனிந்து தலையேறி
தன்னந்தனியாய் விட்டுவிட்டாள்

முகத்தோடு முழுநிலவு
முத்தமாக ஈர நினைவு

வரும் வேளை பகல் கனவு
வருத்தத்தில் என்னுதடு

முணுமுணுக்கும் பெயரென்ன
முடிவடையா பயணத்தில்

தவறிவிட்ட தலையெழுத்து
தனக்கானவள் இவளா

தூரிகையாக எண்ணமாக
துணையாக அவளாக

மற்றொரு சித்திரமாய்
மானுடத்தின் விசித்திரமாய்

வேறெங்கோ தென்படுவாள்
விதியாக மாறுபடுவாள்

அழகாக மட்டுமல்ல
அறிவோடும் அகபடுவாள்

சமயலோடும் சாதனையும்
சரிசமமாய் என்னுடனே

கணினியோடு கண்ணடிப்பாள்
காதலனாய் கைபிடிப்பேன்

காதலர் தினம் 14

திங்களுக்கு எத்தனை நாள்
தினம் மாறும் கிழமைகள்

சந்திக்க பச்சை உடையில்
சட்டென்று வாராதா

பகல் கனவில் அவள் நினைவு
பருவத்துடனே தூங்கி கொண்டு

உருவம் ஒன்று வரைந்து வைக்க
உயிர் வருமாம் பதினான்கில்

எழுந்து விட்ட என் வேலை
எழுதி கொண்டது விடுமுறைக்கு

சுகமானால் சுகமில்லை
சுரம் வராமலும் வரமாட்டேன்

கிழக்கு கடற்கரை காதலன்

அலையோரம் கடலோடு
மணலாக உன் நினைவு

வீடு கட்டும் குழந்தைபோல
வேடிக்கையாய் காதல் அன்று

சின்ன சின்ன ஆசைபோல
சேர்ந்து கட்டிய மணல் வீடாய்

அலைவரும் நேரம் வரை
அடித்து சொன்ன சத்தியமும்

கரைந்துதான் போகிறது
கடலும் கண்ணுமாய் கரிக்கவே

கை நீட்டி உப்பு கேட்கிறது
காதலன் நான் நின்றிருந்தேன்

அலையோடு பேசிக்கொண்டேன்
ஆவலாக கேட்டு கொண்டேன்

நான் கூட உன் போலே
நம்பிக்கையை இழக்காமல்

தினம் தேடி கரை வந்தேன்
திரும்பி வருவாள் என் காதலியும்

கிழக்கு கடற்கரையும் கிறுக்கிய சிறுவனும்

சின்ன குழந்தையாய் அன்று
சேர்த்து கட்டிய மணல் வீடாய்
அலையாடும் கடலோரம்
அன்று நான் அழுதிருந்தேன்

கடலோடு கரைந்ததனால்
கவலையில் மிதந்தது மண் சுவர்
சுவரில்லா சித்திரம்
சோதனையாய் என் திறம்
கற்பனையில் தீட்டியது
கண்ணீரில் கோடிட்டது

தப்பு செய்த கடல் உனக்கு
தண்டனையை தருவதற்கு
உப்புதான் சிந்திவிட்டேன்
உலகம் என்றும் கரித்திடுவாயே

இரகசியத்தை சொல்லாதே கைபேசி !

நீயிருக்கும் தைரியத்தில்- நான்
என் வீட்டில் யாரோடும் பேசுவதில்லை
உனக்கு மட்டுமே தெரியும்- நான்
யாரோடு பேசி கொள்வேனென்று ?

இன்பமா துன்பமா கைபேசி ?

தூக்கத்திலிருந்து எழவும்
துக்கத்திலிருந்து அழவும்
கைபேசியிலிருந்து அவ(ன்) ள் அழைப்பும்
கனவு கலைந்து விட்ட என் பிழைப்பும்
காலையிலேயே மாலை அவ(ள் ) ன்
கழுத்தில் போட்ட வேளை? 

இமைக்காமல் காதலி

ஆறடியில் வில்லு ஒன்னு
அம்படிக்க இரண்டு கண்ணு
போரடிச்சு செத்து போனேன்
புதுமை என்ன பிழைத்திருந்தேன்

வில்லும் அம்பும் வேண்டாமென்று
சொல்லும் அன்புமாய் சுத்தி வந்தாள்
சொர்க்கம் இதுதான் முத்தம் தந்தாள்

இறந்த பின்னாலும் நீ எப்படியென்றால்
இருந்தால் அன்பு கூட வருமென்றாள்

வில்லும் அம்பும் விதியே நான்தான்
சொல்ல துணிந்ததும் கூடுமே காதல்தான்

அம்பாற துணிக்கும் ஆசையுண்டு
அதனாலே இமைகூட எதிரியென்று
கன நேரம் கூட கண் சிமிட்டாமல்
காலம் முழுக்க பார்த்திருப்பேன் என்றுதான்

வில்லாக என்னுடலை விலகாத காதலால்
வீரனாய் உன் பார்வை வெடுகென்று உடைத்ததால்

உன்னோடு சொர்க்கம் வந்தேன்
உனக்கும் எனக்கும் இப்போ இமைப்பதில்லை
ஊடல் காதலென்று என்றும் கனவுமில்லை

*பலங்கைச் சவடு

அறுபது சதவீத தேய்மானம்
ஆண்டுக்கு ஒருமுறை வாங்கப்பட்டு விற்கப்பட்டு
அப்படியே இருக்கிறது
எப்போதோ வாங்கப்பட்ட கணினி
இந்த பலங்கைச் சவடில்
ஒவ்வொரு முறையும் புதியதாக வாங்கியது போல
கள்ள பணத்தின் கணக்கை சுமந்து

* பலங்கைச் சவடு - BALANCE SHEET

கணிபொறி கவிதை

இணைய தளம் என் மதம்
எழுதும் அத்தனையும் என்னினம்
தேடும் பலவும் பாதையாக
திறக்கும் அறிவே கடவுளாகும் 

காதலில் நான் தேர்வேனா ?

காதலிக்க பயமில்லாதவன்
காதலிக்கு பயமுல்லவன் 

கைபேசியே உன்னிடம் தான் ?

கணிபொறியும் கைபேசியும் கலந்தாச்சு
கட்டணம் கூட ஒன்றாச்சு
முகம் பார்க்கும் வசதியும் உண்டாச்சு ,
ஆனால் அவ(ன்) ள்
முத்தம் மட்டும் ஏன் எச்சிலோடு இல்லை 

உலக கோப்பை மட்டை பந்து பிப்ரவரி* 19

மட்டை பந்து பார்ப்பேன்
மண்டை உடைக்க ஆறு வரும்
மருந்து போடா நாலு வரும்
சண்டை விலக்க மூன்று வரும்
சாட்சி சொல்ல இரண்டு வரும்
ஒன்று மட்டும் கூட வரும்
முட்டாள் என்று மு(மொ)ட்டை இடும்

* பிறமொழிச்சொல்


குறிப்பு : இக்கவிதை பனிரெண்டாம் வகுப்பு தேர்வு எழுதும் என் தோழர்களுக்கு

காதல் கடன்

காதல் அழியாதது
கடனும் அழியாதது
செலவுக்கு தரும் நண்பன்
சிநேகிதமாய் சொன்னது

விவசாயியின் காதலி

நன்செய்யிலே பாத்தி கட்ட
புன்செய்யிலே மண்ணெடுக்க
பெண்செய்யும் காதலிலே
ஆண்செய்யும் ஆசையென்ன ?

காதல் தலையா பூவா

மோரும் புளித்து போக
நீரும் இனித்து போக
கைபடத்தான் அவள் வேண்டும்
காசை சுண்டினால் பூவிழுமா ?

இதய சிறையில் எனது தற்கொலை

கைது செய்தாள் கண்களால்
கட்டி இழுத்து போனால் உள்ளத்தால்
சிலகாலம் சிறையில் அடைத்தால் இதயத்தில்
செத்து போனேனே தூக்கினில்

வாலிப பரிசு

ஓடினால் காதல் பரிசு
தேடினால் கல்யாண பரிசு

கைபேசியின் அழைப்பொலியிலே

கோவில் மணியாய் உன்னுள்ளே
கும்பிடும் பக்தியாய் தாயுள்ளே
நல்ல சகுனமாய் தெரிந்ததாம்  பெண்பார்க்க
நான் மட்டும் அறிவேன் அவள் அழைப்பை