காத்திருக்கேன் காதலியே
வங்கியில் வாழ்நாள் காதலி
வருகிற நாளெல்லாம் நடப்பு கணக்காய்
சிறுக சிறுக சேமிப்பாய் கனவுகள் கூட
சிரிப்பை மட்டுமே கடனாய் கேட்பேன்
திருப்பி செலுத்துவேன் முத்தமாய் காதலி
தினம் பார்க்கும் வாய்ப்(பு)பூக்கு செலுத்தினேன் காசோலை
வைப்பு தொகையாய் வட்டி விகிதமாய்
வளர்வதும் தேய்வதும் வருத்தத்தில் உதடுகள்
பூட்டிய நகையாய் போனது இதயம்
பொருத்தமான சாவியும் திருடியே போனாள்
இணைத்த படிவத்தில் குண்டூசி சொருகி
இருக்கிறேன் இருகண்களில் அடையாள வில்லையாக
கூப்பிடுவாளோ குரல் கொடுப்பாளோ கொடுமையில்லாமல் மின்சார ஒலி கெடுப்பாளா?
கருத்துகள் இல்லை:
கருத்துரையிடுக